DÍA DO LIBRO

Hoxe, 23 de abril, é o día do Libro.

Na aula de Sisán estivemos falando do marabillosos que son os contos, xa que permiten viaxar, aprender e usar a imaxinación sen movernos da escola ou da casa.

Na aula de Sisán estamos preparando un libro de adiviñas de contos…

Cando o teñamos rematado colgarémolo no blog para que o poidades ver.

Temos que dar as GRAZAS a nosa ANPA por agasallar, neste día, a cada un d@s nos@s alumn@s cun conto e ao CRA con algúns para a biblioteca.

Para que non houbera pelexas, todos eran iguais.

ARCO DA VELLA

Esta semana a nosa receita é un arco da vella de froitas.

Ese fenómeno meteorolóxico consiste nunha “ponte” máxica de cores, que aparece cando o sol brilla mentres chove. Fórmase debido a que a luz do sol atravesa as gotiñas de auga no aire, que actúan como pequenos espellos separando a luz branca en sete cores: vermello, laranxa, amarelo, verde, azul anil e violeta.

Podedes utilizar outras froitas para facelo.

RECEITA DUN DÍA DE CHOIVA

Aquí está a receita de “un día de choiva” que fixo Xabier, utilizando ingredientes que tiña na casa.

SAÍDA A APÍPOLIS

Hoxe, xoves 16 de abril, tivemos unha saída escolar a Apípolis.

Trátase dun centro para a Comprensión das relacións existentes entre os seres humanos e as abellas, que esta encadrado dentro dos Equipamentos para a Educación Ambiental. E o que pretende é facilitar o achegamento a determinados procesos naturais, posibilitando que os visitantes poidan vincular as súas vivencias cotiás a eles, así como ás problemáticas que lles afectan.

Durante a mañá o noso alumnado realizou moitas actividades:

Entraron na sala de exposición sobre as abellas onde descubriron á reina, as obreiras e os zánganos. Tamén viron carteis que ensinaban como recollen o polen e o nectar, como fabrican a cera. Escoitaron o rumbar da colonia...

Puxeron os traxes de apicultores e visitaron o apiario, onde os monitores abriron unha colmea para poder vela por dentro.

Fixeron galletas de mel.

Despois de repasar os produtos que dan as abellas, realizaron a extracción do mel, probárono e fixeron unha vela. 

QUE BEN O PASAMOS E CANTAS ACTIVIDADES FIXEMOS!!

CUMPREANOS DE ABRIL

Hoxe cumpre catro anos Abril, e como temos excursión xa lle cantamos e soprou as velas onte na escola.

PARABÉNS ABRIL!!

UN DÍA DE CHOIVA

Como di o refraneiro popular “en abril, augas mil e todas caben nun barril”, “Abril, para ser abril, ten que vir con augas mil”, “Abril, augas mil, escoadas por un mandil”… .

Por iso a receita desta semana leva por título “Un día de choiva”, xa que aínda que estamos na primavera, en Galicia é normal que chova durante este mes.

CONTAMOS!!

Esta semana, como estamos co calendario escolar 2026-27 sobre paxaros: 

Estivemos contando ovos de pega e debuxando tantos como indicaba o número.

Como o merlo macho é negro e a femia marrón, utilizando dúas cores rodeamos segundo o sexo e despois contamos cantos había de cada un.

QUE RICOS SOLES!!

Aquí tedes os soles que fixeron o cociñeiro Xabier e a cociñeira Ámbar. 

CALEDARIO ESCOLAR CURSO 2026-27

Neste terceiro trimestre estamos elaborando un calendario para o vindeiro curso 2026-27 sobre os paxaros.

Cada mes dedicarémolo a un:

- Leremos un conto relacionado con el

- Aprenderemos o seu nome

- Veremos de que cores é

- Escoitaremos como é o seu canto

- Observaremos como son os seus ovos (tamaño, cor…)… 

SAÍDA A PONTEVEDRA

Hoxe tivemos unha saída escolar a Pontevedra para ver, no Auditorio de Afundación, a obra “Vuelaplumas” de Periferia Teatros. 

Esta representación cóntanos a historia dun paxaro que, despois de vivir toda a súa vida nunha gaiola, descubre a liberdade de voar.

Trátase dunha proposta escénica que combina monicreques, música e moita poesía, coa que se pretende fomentar o respecto e a conexión coa natureza. 

SOL

Aínda que hoxe choveu, a primeira receita despois das vacacións de Semana Santa foi un sol para ver se con ela logramos que apareza de novo.

GALIÑA

Como agora ven a Pascua durante as vacacións de Semana Santa, a última receita deste 2º trimestre foi unha galiña. 

PORTADA 2º TRIMESTRE

Xa realizamos a portada para levar os traballos do 2º trimestre.