PIRULETA DE PAPÁ NOEL

 

 

 

Esta é a piruletas de Papá Noel, elaboradas con babybel, queixiño, pauciño de pan e pebidas de chocolate.

RIQUÍSIMAS!

CHEGOU O ELFO TRAVESO

O luns cando chegamos á escola atopámonos na biblioteca, debaixo da árbore do outono, con isto…

Así que, abrimos a carta e descubrimos que era o elfo traveso que veu a Sisán para vixiar se nos portamos ben e tamén para divertirse connosco facendo falcatruadas. Tamén poñía que, como non tiña nome, quería que entre todos @s nen@s elixiran un para el.

O ESCOLLIDO FOI PEPE

O martes, fixo a súa primeira trasnada que foi encher de cinta adhesiva a porta da escola para que tiveramos que entrar e saír as agachadas…

E ASÍ ESTIVEMOS TODA A MAÑÁ!!

O mércores escondeu as seis bonecas que temos por toda a escola e tivemos que buscar para atopalas…

COSTOUNOS UN POUCO!!

O xoves colleu todas as letras magnéticas e tirounas por toda a aula. Antes de facelo, puxo o seu nome con elas e escribiunos que quería que buscaramos as dos nosos nome e que despois os deixaramos todos para que el puidera comprobar que estaban ben. Tamén mandounos recoller as letras que sobraban, e poñelas nas súas caixiñas.

O venres librámonos das súas travesuras xa que imos a Leiro e el non sae de Sisán, xa que vai ser a súa casa ata as vacacións de Nadal.

ESTAMOS DESEXANDO VER QUE FAI A VINDEIRA SEMANA!!

AS NOSAS ÁRBORES DE NADAL

Na aula de Sisán fixemos dúas árbores de Nadal…

Unha para a porta da aula usando distintos tipos de papeis para manualidades (Kraft de cor verde, cartolinas metalizadas, onduladas e decoradas para os regalos) e tamén goma eva brillante.

E outra, para poñer na parede, utilizando cartón e figuras de Nadal que tiñamos doutros cursos (bastóns, renos de feltro, estrelas…).

A QUE QUEDARON BONITAS!!

PAPÁ NOEL

 Seguindo coas receitas de Nadal, este mércores tocoulle a Papá Noel.