VASOIRAS DE BRUXA

 Hoxe, escribimos a receita de vasoiras de bruxa.

QUE RICAS!!

TEMOS INSECTOS PAU NA ESCOLA!!

O curso pasado, no mes de marzo, a mestra Marta trouxo insectos pau para a aula de natureza.

Ata final de curso, estivemos dándolle de comer, limpándolle a súa casiña , vendo como medraba, como poñían ovos e tamén como morrían ao rematar o seu ciclo de vida.

Como tiñamos moitos ovos, a familia de Carmen de Ribadumia B, levounos durante o verán para que puideran eclosionar.

Onte trouxeron moitísimos insectos pau que naceron, para que cada escola puidera levar algúns nun terrario e que así mestras e alumn@s os coidaran.

Na aula de Sisán estivemos enchendo a base do terrario de terra para que haxa máis humidade, que é o que eles necesitan para vivir.

Despois algúns/algunhas nen@s atrevéronse, e deixaron que os insectos pau andasen polas súas mans. 

MOITAS GRAZAS FAMILIA DE CARMEN 

POR COIDALOS TAN BEN!!   

MIRADE QUE RICAS ARAÑEIRAS!!

Aquí tedes fotos da receita saudable de pizza-arañeira que cociñaron @s nos@s alumn@s.  

DISFRACES DE MEDO

Como xa está cerca a festa do Magosto-Samaín, estivemos mirando de que podemos vir disfrazados, e despois escribindo o nome dalgúns destes disfraces. 

VOLTA AO COLE POLA LEUCEMIA

Hoxe, en Leiro, participamos coa profe Malú na volta ao cole pola leucemia de Unoentrecienmil. Esta iniciativa, está destinada a impulsar proxectos de investigación contra esta enfermidade.

Con esta carreira chea de diversión e compañeirismo estaremos dando esperanza a algúns nen@s, que hoxe poderán volver ao cole grazas aos avances en investigación.

Dimos algunhas voltas correndo, e para complicalo un pouco a profe Malú púxonos obstáculos polo percorrido de equilibrio, saltar, pasar po debaixo, meternos en rodas…

Tamén, nunha das voltas, os maiores déronlle a man aos máis pequenos para axudalos.

QUE VEN O PASAMOS!!

PULSEIRA

 Esta semana fixemos unha pulseira co nome.

Para elaborala @s nen@s buscaron, entre pezas de contas con letras, as que correspondían ao seu nome.

E para rematar, ensartáronas todas nun cordón de cor.

A QUE QUEDARON MOI BONITAS!!

UN ELEFANTE SE BALANCEABA…

Como fixemos a receita dunha arañeira, tamén estivemos escoitando e aprendendo a canción “un elefante se balanceaba sobre la tela de una araña”.

Despois estivemos escribindo os números do un ao dez e tamén, para atrás en orde inverso, do dez ao un. Por se non recordan ben como e a grafía de cada un, cada alumn@ ten na súa gabeta dúas tarxetas plastificada (unha con eles do un ao dez e outra ata o 30). Deste xeito, axudámoslle a ver o orde e a forma de cada un de maneira secuencial.