Hoxe tivemos unha xornada en Leiro chea de actividades...
Contamos o conto “No todos somos iguales”, que quere transmitirnos que debemos querernos tal e como somos e querer aos demais sexan como sexan.
.jpeg)
Fixemos unha chapa para conmemorar o mes da ciencia.
Escribimos palabras fermosas que promovan o respecto e a igualdade, e despois pegámolas nunha árbore que vai representar todo o que desexamos que pase entre as persoas.
Para celebrar o mes da ciencia, tivemos un obradoiro de experimentos con David do equipo de Arenaria. Son un grupo de oceanógrafos que queren fomentar a curiosidade polo mundo no que vivimos e proporcionar as ferramentas para entender os desafíos que enfronta o noso Planeta).
Recibimos a visita de Marta Ortiz, que puxo en escena o seu espectáculo de “Coser e Cantar”. Con fío, agulla e dedal iniciamos unha viaxe nun taller de costura, onde unha nena escoita contos, coplas e cancións en boca da súa avoa, nai e tía mentres traballan. Puidemos percorrer con ela mundos onde os fíos falan e as caixas de costura abren as portas da fantasía.
QUE BEN O PASAMOS!!
