GALIÑA

Como agora ven a Pascua durante as vacacións de Semana Santa, a última receita deste 2º trimestre foi unha galiña. 

PORTADA 2º TRIMESTRE

Xa realizamos a portada para levar os traballos do 2º trimestre.

FLORES DE PRIMAVERA

Xabier e Ámbar fixeron a receita das flores de primavera.

FEIXOA

Hoxe non choveu, como o venres pasado, e puidemos plantar unha árbore en homenaxe a Wangari.

Estamos desexando que a nosa feixoa medre e de froitos para poder degustalos. 

HOXE COMEZA A PRIMAVERA!!

Estamos tod@s moi contentos, xa que hoxe as 15:46 do mediodía empeza a primavera.

Nós, na aula de Sisán, xa quitamos a neve do inverno e vestimos a nosa árbore das estacións con follas e flores. 

FLORES

Como este venres 20 de marzo comeza a primavera, a receita de esta semana son flores feitas con amorodos, kiwi e queixo.

OUTRA RECEITA QUE FAN NA CASA

A familia de Ámbar enviounos, ao noso correo electrónico, unhas fotos da súa nena elaborando a receita do barco.

QUE RICA MERENDA!!

COCIÑANDO COS AVÓS

A nai de Alma, enviounos ao correo da escola unhas fotos da súa filla facendo unha tortilla e un biscoito cos avós.

SEGURO QUE TODO ESTABA RIQUÍSIMO!!

REFUXIOS PARA MORCEGOS

Na aula de Sisán estivemos mirando que saíu unha noticia, no Diario de Arousa, de que ían poñer refuxios para morcegos en Ribadumia. Esta iniciativa foi impulsada pola Asociación Ideas de Bombeiro en colaboración co Concello.

En principio, este pasado sábado 14 de marzo, procedeuse á colocación das primeiras sete caixas-refuxio coas que se quere dar comezo a un proxecto máis amplo que contempla a instalación de 59 ao largo de 3,3 km.

Este corredoiro ecolóxico, irá dende a rotonda de Os Castaños ao entorno do río Umia con un total de 13 puntos de instalación nos que se distribuirán grupos de entre tres e sete caixas.

Nós, estivemos mirando na pantalla dixital que hai moitos tipos de morcegos, pero que todos teñen algo en común que é que son esenciais para o medio ambiente xa que actúan como controladores naturais de pragas de insectos, polarizadores e dispersores de sementes.

Se algunha das nosas familias se anima a facer este percorrido para ver os refuxios con seus/súas fill@s, gustaríanos que enviaran algunhas fotos ao correo da escola para observalos na aula.

BARCO

Con pan, xamón cocido (que tamén pode ser peituga de pavo, de polo…), queixo en rebandas e de untar, podemos elaborar un riquísimo barco para a merenda.

ANIMÁDESVOS A FACELO!!

DÍA DA MULLER TRABALLADORA

O domingo, 8 de marzo, foi o día da Muller Traballadora.

Esta semana estamos facendo algunhas actividades para celebrar esta data dedicada a conmemorar a loita das mulleres pola igualdade de dereitos, a súa participación na sociedade e o seu desenvolvemento integro como persoas.

Na aula de Sisán falamos de que, independentemente de que sexamos nenos ou nenas, temos que respectarnos, compartir tarefas e ter todos as mesmas oportunidades.

A continuación miramos na pantalla dixital o conto “Wangari y los árboles de la paz”, que narra a verdadeira historia desta muller kenyana que ao ver o seu país deforestado, iniciou unha misión para plantar árbores mobilizando ás mulleres e enfrontándose á oposición do goberno. Por todo este labor que levou a cabo, recibiu o Premio Nobel da Paz.

Despois @s alumn@s escribiron o título deste conto e debuxaron a Wangari.

QUE BEN O FIXERON!!

E o venres que imos a Leiro, se o tempo o permite, plantaremos no xardín unha árbore en homenaxe a esta muller tan valente e loitadora.

QUE RICA CEA!!

 Aquí tedes os “osiños durmiñóns” que fixeron Xabier e Ámbar para cear.